Tha Comhairle Baile Ghlaschu air spionnadh a thoirt do dh'iomairt gus an sianal didseatach Gàidhlig, BBC Alba, fhaighinn air Freeview nas luaithe.
Bhòt comhairlichean gu h-aona-ghuthach airson na h-iomairt aig coinneimh Diardaoin.
Sgrìobhaidh iad a-nis gu Urras a' BhBC a chur ìmpidh orra an sianal a chur air Freeview cho luath 's a ghabhas.
A rèir poileasaidh an Urrais aig an ìre seo, cha thachradh sin gu 2010 aig a' char a bu luaithe.
An-dràsta, chan fhaighear an sianal ach air Freesat agus Sky.
Thuirt tè de na comhairlichean, Aileen Colleran, gun robh daoine air an glasadh a-mach.
"Tha daoine a phàigheas cìs a' chead air an glasadh a-mach, nuair a tha còir aca a bhith comasach air a h-uile prògram fhaicinn," thuirt i.
BBC Naidheachdan
Subscribe to:
Post Comments (Atom)
No comments:
Post a Comment